Səbəblər

Yuxarı və ya aşağı çənənin quruluş pozğunluqları; yuxarı çənənin normadan aşağı inkişafı.
Dişləm patologiyaları, dişlərin sıxlığı.
Üst dodaq əzələlərinin həddindən artıq aktivliyi, ağız ətrafı əzələlərin funksiyasının pozulması.
Ön kəsici dişlərin artıq aşınması.
Bakterial iltihabla bağlı diş əti hiperplaziyası.
Üst dodaq yüyəninin patologiyası, nazik dodaqlar.

Korreksiya üsulları

Klinik tacın uzadılması. Diş ətinin bir hissəsi kəsilib götürülür, dişin daha çox hissəsi görünür. Sümüyün yerləşməsindən asılı olaraq ya yalnız diş əti konturu düzəldilir, ya da sümüyün müəyyən hissəsi də korreksiya olunur.
Üst dodağın repozisiyası. Selikli qişanın bir hissəsi kəsilib tikilir, üst dodaq aşağı mövqe alır. Bütün manipulyasiyalar ağız boşluğunun içindən aparılır, üzün dərisinə toxunulmur.
Ortodontik müalicə. Daha qabarıq hallarda breket sistemi və mini-vintlərlə çənənin müəyyən seqmenti yuxarıya doğru «itələnir».
Ortoqnatik əməliyyat. Çox ağır hallarda sümük üzərində əməliyyat aparılır. Bu, üz-çənə cərrahiyyəsi şöbəsində, ümumi anesteziya altında edilir.
Botulinum toksini ilə inyeksiyalar. Əzələ aktivliyini müvəqqəti azaldır.
Yüyənin korreksiyası və digər üsullar.

Üsulu səbəb müəyyən edir. Ona görə müalicə müayinə və analizdən sonra seçilir.