Ağızdan xoşagəlməz qoxu (galitoz) tez-tez rast gəlinən və ciddi psixoloji narahatlıq yaradan problemdir. Səbəb çox vaxt ağız boşluğundadır: diş əti iltihabı, daş, çürük dişlər, protez altında qalan qida. Bəzən isə səbəb həzm, tənəffüs və ya digər sistemlərin xəstəlikləridir. Ona görə əvvəl səbəb müəyyənləşdirilməlidir.

Galitozun növləri

Həqiqi galitoz: qoxunu ətrafdakılar hiss edir. Səbəb xəstəlik və ya fizioloji hal ola bilər.
Psevdogalitoz: vaxtaşırı çox zəif hiss olunan qoxu. İnsan ona böyük əhəmiyyət verir.
Galitofobiya: obyektiv təsdiq olmadan insanın ağzından qoxu gəldiyini düşünməsi.

Ağız boşluğu ilə bağlı səbəblər

Stomatit — ağız selikli qişasının iltihabı.
Gingivit — diş ətinin iltihabı.
Diş daşı və diş əti cibləri.
Çürük boşluqları olan dişlər.
Protezlər, körpülər və ortodontik konstruksiyalar. Onların arasında qida qalıqları və bakteriyalar toplanır.

Ümumi səbəblər

Həzm sisteminin xəstəlikləri.
Qaraciyər və öd yollarının xəstəlikləri (məsələn, hepatit, xolesistit).
LOR orqanlarının iltihabları və digər ümumi xəstəliklər.

Nə etməli?

Əvvəl stomatoloji müayinə: diş daşı, diş əti və dişlər yoxlanılır, lazım olduqda peşəkar gigiyena aparılır. Ağız boşluğunda səbəb yoxdursa, digər mütəxəssislərə müraciət etmək lazımdır. Stomatoloqa 6 aydan bir müraciət etmək tövsiyə olunur.